Për të pestën ditë radhazi numri i viktimave të koronavirusit të ri në Itali është në rënie.
Sipas të dhënave zyrtare të publikuara këtë të shtunë, 482 persona ndërruan jetë 24 orët e fundit dhe 3,491 rezultuan pozitivë në testime.
Italia ka regjitruar 175,925 të prekur nga koronavirusi i ri nga të cilët kanë humbur jetën gjithësej 23,227 persona dhe 44,927 janë shëruar.
Kurba e rasteve me COVID-19 tashmë është sheshuar në Itali dhe ka marrë tendecë drejt rënies. Kjo shihet edhe në numrat e rinj që raportohen të cilët janë pothuajse dyshish më të vegjël se ata të fundit të marsit kur pandemia shpërtheu në Lombardi duke kolapsuar sistemin spitalor.
Përmirësimit të situatës qeveria italiane i është përgjigjur me lehtësim të masave duke lejuar që disa biznese të funksionojnë por megjithatë qytetarët do të duhet të presin majin për të lëvizur më lirshëm. /Opinion.al
