Italia ka vendosur që data e hapjes së shkollave të jetë 14 shtatori. Gjatë një konference për shtyp, Kryeministri Giuseppe Conte njoftoi se shkollat do të zbatojnë disa masa sigurie, të tilla si garantimi i distancimit shoqëror dhe siguria maksimale. Ai tha se mbyllja e shkollave ishte një zgjedhje shumë e dhimbshme, ndërsa theksoi se nuk do të tolerohen klasat e tejmbushura me nxënës.
“Ne jemi më të përgatitur me udhëzimet, për t’u kthyer më të sigurt në shtator. Kemi vënë në dispozicion një miliardë euro shtesë për investime të mëtejshme në shkolla, të cilat do të na lejojnë të kemi një shkollë më moderne, më të sigurt dhe gjithëpërfshirëse.”
