Italia tronditet nga tërmeti, 40 persona të shtruar në spital

Një lëkundje e fortë tërmeti është ndjerë mëngjesin e së shtunës rreth orës 2.34 në provincën e Katanias në Itali. Tërmeti  me një magnitudë 4.8 të shkallës rihter është ndjerë i fortë edhe në zona dhe komuna të tjera, ndërkohë që dhjetra njerëz të zgjuar pas mesnatës kanë dhënë larmin në Twitter dhe Facebook: “Lëkundja sizmike ka zgjatur dhe është njoftuar nga grupe të ndryshme njerëzish” – ka shkruar Giuseppe Ranno, ndër të parët që ka lënë një dëshmi në web. Janë regjistruar edhe dëme të vogla në ndërtesa private dhe publike, ndërsa 40 persona kanë shkuar për ndihmë në spital të dëmtuar apo në gjendje shoku.