Mbrëmjen e djeshme janë konfirmuar dhe tre ekipet e tjera italiane të cilat siguruan kualifikimin në fazën e çerekfinaleve të kompeticioneve evropiane, ku Juventus dhe Roma siguruan biletën e tyre në Europa League dhe Fiorentina ne Conference League. Kështu ato i bashkohen tre skuadrave të tjera, Milan, Inter e Napoli të cilat arritën të sigurojnë vazhdimësinë në Champions League këtë mesjave.
“Zonja e Vjetër” arriti triumfin ndaj gjermanëve të Freiburg edhe në transfertë duke fituar me rezultatin e pastër 0-2. Golat për bardhezinjtë u shënuan nga Vlahovic dhe Chiesa.
Ndërkohë biletën për më tej e siguruan edhe kryeqytetasit e Romës. Verdhekuqtë e Jose Mourinho-s i’u gëzuan fitores në ndeshjen e pare 2-0 ndaj Real Sociedad,ndërsa sfida e kthimit e luajtur mbrëmjen e djeshme u mbyll në barazim pa gola.Në këtë sfidë nuk u aktivizua shtatlarti shqiptar, Marash Kumbulla.
Sa i përket Conferencë League, Lazio bëri çudinë e madhe duke mos arritur të mposhtin dot holandezët e AZ Alkmaar. Megjithatë një tjetër skuadër italiane arriti të kualifikohet në çerekfinale në këtë kompeticion dhe ajo është Fiorentina, e cila mposhti Sivassporin me rezultatin 4-1.
Duhet theksuar se kjo është hera e tretë në histori që Italia kalon në çerekfinalet e turneve evropian me të paktën 6 ekipe.
