Qeveria italiane ka shpallur pesë ditë zie kombëtare, pas vdekjes së Papa Françeskut.
Flamujt përpara ndërtesave publike janë valëvitur në gjysmështizë.
Masa të rrepta sigurie janë vendosur në kryeqytetin italian përpara ceremonisë së varrimit të shtunën, ku pritet të marrin pjesë personalitete të nivelit të lartë nga e gjithë bota.
Me kërkesën e tij, Françesku, i cili vdiq të hënën e Pashkëve në moshën 88-vjeçare, do të prehet në bazilikën e Santa Maria Maggiore.
Bazilika ndodhet pranë stacionit kryesor hekurudhor të Romës, disa kilometra larg Vatikanit.
