Autoritetet italiane kanë përditësuar bilancin dramatik të përhapjes së koronavirusit në vend, ku për 24 orë kanë humbur jetën 175 persona.
Të dhënat flasin për 2795 të infektuar nga virusi vetëm në 24 orët e fundit, me një prevalencë dramatike në Lombardi, ku pacientët janë shtuar me 1865 persona.
Në total, të prekurit nga koronavirusi në vendin fqinj shkojnë në 21.157 raste, dhe viktimat 1441.
Po ashtu, transferimet e shumta të javës së kaluar nga veriu në Jug mund të sjellin një rritje të shifrave edhe në këtë pjesë të vendit. Për këtë arsye, do të bllokohen edhe trenat e natës, të përdorur nga shumë persona.
Nga ana tjetër, forcat e rendit italiane bëjnë të ditur se më shumë se 7 mijë persona janë denoncuar për shkelje të masave shtrënguese, që parashikojnë arsye pune ose shëndetësore për transferimin nga një bashki në tjetrën./Opinion.al
