Rikthehet moti i keq në Itali, ku më e prekur është pjesa verilindore e vendit e cila është përfshirë prej ditësh nga reshje e shtrëngata shiu.
Departamenti italian i Mbrojtjes Civile paralajmëroi se reshjet e shiut si dhe erërat e forta do godasin edhe zonat jugore dhe qendrore të Italisë, ndërsa sipas meteorologëve, moti do të përkeqësohet gjatë orëve në vijim.
Në Liguria është shpallur gjendja e emergjencës dhe pjesa më e madhe e shkollave janë mbyllur, ndërsa autoritetet në Milano janë vënë në gatishmëri për shkak se lumenjtë rrezikojnë që të dalin nga shtrati. Në Genoa disa fluturime u anuluan për shkak të mjegullës dhe erës së fortë, ndërsa në zona të tjera të Italisë si në Lombardi, Piemonte por dhe në Sardenjë e Lazio është ndezur alarmi portokalli./Opinion.al
