Bota

Italia hap sot kufijtë e brendshëm e të jashtëm


Bëhu pjesë e Grupit Zyrtar të Opinion.al
>> KËTU <<
               Publikuar në : 10:02 - 03/06/20 |
Opi Nion

Italia, një nga vendet më të goditura nga pandemia COVID-19,  që prej ditës së sotme hap kufijtë e brendshëm e të jashtëm. Tashmë, në shtetin fqinj është kthyer qarkullimi i lirë në të gjithë territorin kombëtar e hyrje-daljet në të gjitha rajonet.

Në kufijtë e jashtëm lejohet hyrja e lirë në Itali e pa regjim karantine për të gjithë qytetarët e zonës Schengen, të Republikës së San Marino e të Britanisë së Madhe.

Por për të udhëtuar nga Italia drejt vendeve të tjera të Bashkimit Europian, qytetarët italianë duhet të respektojnë rregullat shtrënguese që kanë vendosur disa vende për të gjithë ata që udhëtojnë nga Italia.

Prej datës 3 qershor në Itali do të vazhdohet të repektohen rregullat e distancimit social, të evitohen gjestet e përqafimeve dhe puthjeve, të evitohen grumbullimet e në automjete e motorë të udhëtohet vetëm me familjarë që banojnë nën të njëjtën banesë.

Disa drejtues lokalë për të evituar grumbullimet e të rinjve në fundjavë kanë firmosur urdhëresën e ndalimit të përdorimit të pijeve alkoolike pas orës 21 të mbrëmjes. Hapja e kufijve mes rajoneve është shoqëruar me debate të drejtuesve lokalë.

Guvernatorët e rajoneve Siçilia, Kampanja e Sardegna kanë kërkuar që hapja e kufujve të tyre të shtyhet deri më datë 7 qershor e të vendoset regjimi i karantinës së detyruar për persona që vijnë nga rajone të tjera.

Prej sot nis dhe funskionimi i plotë i linjës hekurudhore si dhe shërbimi bar e restorante në trena. Për udhëtarët do të kryhet kontrolli i temperaturës së trupit që nuk duhet të jetë më shumë se 37.5 gradë.

Në ambientet e mbyllura vazhdon të jetë e detyruar përdorimi maskës si dhe i dorezave.  Maska bëhet e detyrueshme dhe për qytetarët që ndodhen më pak se 1 metër larg njëri-tjetrit e në disa rajone do të vazhdojë të jetë e detyrueshme dhe në ambiente të hapura e në natyrë./ Opinion.al

Pas