Italia është fituesja e ndeshjes së parë të Kampionatit Europian të futbollit, që nisi pikërisht sot më 11 Qershor.
Të kaltrit fituan me rezultatin 3-0 përballë Turqisë në stadiumin “Olimpico” të Romës, duke marrë tre pikët e para në grupin A, ku janë favoritët absolutë për të kaluar në raundin tjetër.
Seria e golave nisi me një autogol të turqve shkaktuar nga Demiral 53′, ndërsa për Italinë shënuan më pas Imobile 65′ dhe Insinje 79′.
Europiani i këtij viti vjen me një vit vonesë, pasi “Euro 2020” u spostua për shkak të pandemisë së Covid 19./Opinion.al
