Italia është duke u përballur me një katastrofë natyrore. Jugu i vendit fqinj, është përfshirë nga zjarre të shumta ditën e fundit, me Sardenjën si epiqendrën e vatrave.
Nga krahu tjetër, në Veri, në rajonin e Comas, përmbytjet kanë qenë të shumta, e jo në pak raste është nevojitur ndërhyrja e autoriteteve për të evakuuar nga shtëpitë njerëzit, të bllokuar nga niveli i lartë i ujit.
Siç duket nga pamjet e publikuara në rrjet, në Como erërat e forta dhe shirat kanë shkaktuar shumë dëme material, me makina të dëmtuara dhe pemë të thyera.
Ndërkohë që deri më tani dëmet materiale raportohet se kapin vlerën e miliona eurove, e në Sardenja zjarret u kanë shkaktuar probleme të mëdha autoriteteve, pasi që mbi 20.000 hektarë janë shkatërruar plotësisht dhe mbi 900 banorët janë evakuuar, shkruajnë mediat./Opinion.al
