Presidenti i Republikës së Italisë Sergio Mattarella ka shtyrë afatin për zgjidhjen e krizës politike.
Në një deklaratë e cila nga e cila pritej vendimi nëse vendi do të shkonte në zgjedhje të parakohshme ose drejt krijimit të një qeverie të re, Mattarella u shpreh se konsultimet do të vazhdojnë deri të martën.
“Kriza duhet të zgjidhet shpejtë” nënvizoi ai. “Më është kërkuar më shumë kohë për konsultimet mes partive. Zgjedhjet janë të nevojshme nëse nuk ka një mazhorancë. Qeveritë mund të krijohen vetëm kur kanë besimin e parlamentit. Të martën e ardhshme do të mbahen konsultime të reja” u shpreh Mattarella.
Të martën kryeministri Giuseppe Conte dha dorëheqjen duke i dhënë fund koalicionit qeverisës me Lëvizjes 5 Yje dhe Lega Nord. Kreu i kësaj të fundit, Matteo Salvini bëri më herët thirrje për zgjedhje të reja duke thënë se “vendi nuk mund të jetë peng i qeverive që grinden”. Por ai nuk përjashtoi gjithashtu një aleancë të re me Lëvizjen 5 Yjet nëse ata do të mbështesnin një “buxhet më të guximshëm”. /Opinion.al
