Kronikë

Itali/Vritet me thikë çifti shqiptar,në kërkim autori i dyshuar, ish-bashkëshorti i gruas



Bëhu pjesë e Grupit Zyrtar të Opinion.al
>> KËTU <<
               Publikuar në : 08:41 - 21/11/22 |
Opi Nion

Një çift shqiptarësh janë gjetur të vrarë me thikë mbrëmjen e djeshme në shtëpinë e tyre në Itali.

Sipas agjencisë italiane të lajmeve, Ansa, trupat e pajetë u gjetën nga karabinierët rreth orës 22:00 të së dielës në Venecia pasi vajza e gruas njoftoi policinë se nuk mund të kontaktonte nënën e saj.

Fillimisht u mendua për një rast vrasje-vetëvrasje, por gjatë hetimeve në vendngjarje u zbulua se ishte një person i tretë që kishte kryer vrasjen e dyfishtë. Karabinierët janë në kërkim të ish-bashkëshortit të gruas, i cili është arratisur me makinë menjëherë pas krimit.  Nuk përjashtohet fakti se ai mund të ketë vrarë çiftin pasi nuk ka pranuar marrëdhënien e re të ish-gruas.

Ndërkohë, mjekësia ligjore ka kontrolluar shtëpinë ku ndodhi tragjedia, duke kërkuar të dhëna të dobishme për të përvijuar hetimet e një historie që mbetet ende për t’u sqaruar.

Në vendin e ngjarjes, hetuesit kanë gjetur një armë zjarri dhe një thikë. Sipas mediave italiane të dy bashkëjetuesit ishin vrarë me thikë. Ish-bashkëshori i gruas, autor i dyshuar i krimit është po ashtu me origjinë nga Shqipëria.

Pas