Një 20-vjeçar shqiptar ka humbur jetën në rrethana ende të paqarta në Itali. Ngjarja ka ndodhur në Ponte dell’Olio, në provincën e Piacenzas.
Sipas mediave italiane, i riu është qëlluar me armë zjarri brenda banesës ndërsa raportohet se ka humbur jetën gjatë transportimit për në spital.
TGcom 24 shkruan se brenda shtëpisë, ku ndodh ngjarja ndodhej edhe një person tjetër, i cili qëndroi i bllokuar në banesë për disa orë para se të dorëzohej dhe të hapte derën për policinë. Ai u vendos në pranga dhe ndodhet në paraburgim.
Autoritetet italiane pritet të sqarojnë rrethanat e ngjarjes.
