Rreth 800 kg marijuanë janë sekuestruar dhe tre persona me kombësi shqiptarë janë arrestuar në vazhdim të një operacioni të finalizuar nga agjentët e Policisë së Manfredonias dhe skuadra e policisë së Kuesturës së Foggias.
Ndërkohë që është në hetim një person i katërt me kombësi italiane të cilët ju gjetën dy pistoleta Beretta me matrikull të fshirë.
Në vazhdim të hetimeve , hetuesit italianë kanë përgjuar një grup kriminal i cili po mbyllte një tratativë me një grup kriminal shqiptar për posedimin e marijuanës.
Gjatë kontrollit në terren për të arrestuar organizatorët, në 2 marsin e shkuar, u bllokua një furgon që po lëvizte në autostradën A 14, drejtimi Pescara në bordin e së cilës u kapën 170 kg marijuanë.
Ku u arrestua fillimisht shoferi shqiptar, Marjon Kapllanaj, 31 vjeç, me shumë siguri pjesë e organizatës.
Po dje në lokalitetin e Tomarozës, në Vieste, u gjet edhe pjesa tjetër e marijuanës e zbarkuar në Gargano.
Droga u gjet në brendësi të një zyre ku fshihej e gjithë ngarkes 600 kg e marijuanës dhe u arrestuan edhe dy “ëngjëj” të tjerë të narkotikëve, Ardit Abilaliaj 25 vjeç dhe Ali Pulomenaj, 24 vjeç edhe këta me shtetësi shqiptare.
Poshtë qeseve të mbuluara me lëkurë u gjetën edhe dy pistoleta të mbushura.
Gjatë arrestimit të dy personave në bordin e një mjeti erdhi edhe një 45 vjeçar, i cili kërkoi tja mbathte por që u kap nga policia.
