“Italia rilind me një lule”. Është ky slogani që shoqëron simbolin dhe që do të jetë i pranishëm gjatë fushatës së vaksinimit që pritet të nisë në mesin e Janarit në Itali.
“Kjo ide e një manushaqeje vjen për të na ndihmuar të dalim nga një dimër i errët dhe ky është mesazhi që ne duam të japim”, tha gjatë një konference për shtyp arkitekti Stefano Boeri, që ideoi imazhin.
“Ne jemi duke punuar pa u lodhur që vaksinimi të fillojë nga mesi i janarit”, konfirmoi Komisioneri Arcuri në një konferencë shtypi, duke përsëritur se të parët që do të vaksinohen do të jenë punonjësit shëndetësorë si dhe stafi me banorët e qendrave sociale./Opinion.al
