Skena të pazakonshme çmendurie janë parë në një pub në Breshia, mbrëmjen e së premtes, ku një grup të rinjsh si shqiptarë, italianë dhe marokenë janë përleshur me pronarin.
Një grup prej 10 personash, që ishin punonjës të një kompanie, po festonin në këtë pub, kur papritur një vajzë nga grupi vodhi një birrë dhe e fshehu në xhup.
Kjo gjë vihet re nga pronari i lokalit, i cili sapo e pa iu drejtua si hajdute, duke i kërkuar që të linte shishen ose ta paguante.
Kaq ka mjaftuar që nga fjalët të kalohet shpejt tek grushet. Disa persona nga grupi shkojnë drejt pronarit të lokalit dhe stafit të tij dhe kështu situata doli jashtë kontrollit.
Dëshmitarë e kanë treguar ngjarjen të frikshme, me një sherr që degjeneroi në dhunë, me karrige e sende të tjera.
Menjëherë pas sherrit të rinjtë largohen nga pub-i. Pronari i lokalit njoftoi policinë, e cila nisi hetimet për ngjarjen.
Ndërkohë që agresorët nuk rezultojnë të panjohur nga efektivët për shkak të veprimeve të ngjashme, si grabitje dhe sulme.
