Situata e krijuar nga koronavirusi në Itali është duke u përmirësuar, teksa çdo ditë po regjistrohen numër më i ulët i viktimave krahasuar me një javë më parë.
Pas kalimit të pikut të pandemisë, Italia po mendon që të lehtësojë masat shtrënguese më 4 maj. Ky lajm është konfirmuar nga kryeministri Giuseppe Conte, por cfarë përmban konkretisht lehtësimi.
Ai tha se njerëzve do t’i lejohet të vizitojnë të afërmit e tyre “në një numër të vogël”. Parqet, fabrikat dhe vendet e ndërtimit do të rihapen, ndërsa mësimi në shkolla nuk do të rinisë deri në shtator.
Vendimi vjen pasi Italia ka regjistruar numrin më të ulët të viktimave në 24 orë, pas disa javësh. Autoritetet atje thanë se të dielën kanë vdekur 260 njerëz nga koronavirusi, që është numri më i ulët qysh më 14 mars.
Në total, Italia ka shënuar 26,644 viktima na koronavirusi – shifra më e lartë në Evropë. Sipas të dhënave të Universitetit Johns Hopkins, 197,675 njerëz janë infektuar atje.
Italianët janë izoluar që më 9 mars. Ata janë lejuar të dalin jashtë vetëm për nevoja thelbësore. Masat e izolimit kanë nisur të lehtësohen pak më 14 prill, me rihapjen e disa dyqaneve të vogla dhe librarive, ndërsa kjo e 4 majit do jetë një hapje disi më e madhe./ Opinion.al
