Tre të burgosur kanë arritur të arratisën gjatë natën nga burgu i Bellizzit në Avellino. Mediat italiane shkruajnë se të burgosurit kanë arritur të arratisën nga burgu si nëpër filma, duke përdorur çarçafë të lidhur.
Mësohet se protagonistë janë një 45-vjeçar me origjinë shqiptare, një maroken 40-vjeçar dhe një rumun 22-vjeçar.
Marokeni dhe rumuni janë ende në arrati, ndërsa shqiptari u kap thuajse menjëherë nga karabinierët.
Policia e burgut ka dhënë menjëherë alarmin, sapo ka vënë re mungesën e tre të burgosurve në qeli.
Sipas informacioneve të para, tre të burgosurit kishin shpuar murin e qelisë për të shpëtuar dhe më pas kishin përdorur çarçafë të lidhur me njëri-tjetrin për të zbritur nga largësia e murit.
Sipas mediave italiane, ai ishte një plan shpëtimi i menduar mirë. Ndërsa menjëherë u bë shpërndarja masive e forcave për kapjen e të arratisurve. Mësohet se policia ka ngritur postblloqe në rrugët kryesore, ndërsa po monitorohen edhe stacione e autobusëve dhe trenave./Opinion.al
