Një ngjarje e rëndë ka ndodhur në qytetin Fano të Italisë, ku një shqiptar ka përplasur për vdekje një 79-vjeçar.
Sipas autoriteteve, ngjarja ka ndodhur mëngjesin e sotëm në molin e Ponente, në portin e Fanos.
Shoferi, me origjinë shqiptare, po drejtonte furgonin e një kompanie ushqimore për restorante dhe në momentin kur po kthehej mbrapa për të shkuar për të dërguar mallrat në një lokal, ka goditur nga pas një të moshuar që po ecte në skelë.
Zhurma që ka ndier ka bërë që shoferi të lëvizë edhe një herë para makinën, duke i dhënë një goditje fatale të moshuarit i cili ndërroi jetë në vendin e ngjarjes.
Menjëherë pas ngjarjes, shoferi doli për të shpëtuar të moshuarin por fatkeqësisht nuk mund të bëhej asgjë më shumë.
Policia lokale, Karabinierët e Fanos dhe personeli i Portit ndodhen në vendngjarje për të kryer veprimet e mëtejshme./Opinion.al
