59 trupa janë nxjerrë deri më tani pas mbytjes së një varke me emigrantë në brigjet e Crotones në Itali. 26 janë burra, 21 gra dhe 12 të mitur. Dy binjakë të vegjël janë gjetur të pajetë në det dhe një djalë njëvjeçar në plazh. Deri më tani dihet se dyzet e gjashtë trupa janë gjetur në vend, tre të tjerë në plazhin e Botricello (Catanzaro), tetë në Le Castella, Isola Capo Rizzuto, një në Crotone. 81 persona u shpëtuan. 22 prej tyre janë në spital dhe njëri prej tyre është në gjendje të rëndë. 59 të tjerët janë në në qendrën lokale të pritjes për azilkërkuesit. Megjithatë, numri i viktimave mund të rritet më tej, ndoshta përtej 100. Pasiguria është për faktin se ekipet e shpëtimit nuk kanë një numër të saktë të njerëzve të pranishëm në bord. Sipas disave, të mbijetuarit do të ishin rreth 180. Për të tjerët shumë më tepër, të paktën 250. Një numërim i vështirësuar nga fakti se të mbijetuarit nuk flasin as anglisht. Varka, e ngarkuar rëndë, nuk mundi të përballonte detin e trazuar./Opinion.al
