Ka shkuar në 13 bilanci i viktimave në ngjarjen e rëndë që u shënua në Itali, ku kabina e teleferikut që nga lëvizte nga Stresa në Mottarone, në provincën Verbania-Cusio-Ossola u shkëput dhe u rrëzua në një nga pikat më të larta të itinerarit. Nga pesëmbëdhjetë personat që gjendeshin në kabinë kanë shëptuar vetëm dy fëmijë të moshës nëntë dhe pesë vjeç, të cilët u dërguan nga shërbimet e urgjencës në spitalin e Torinos në gjendje të rëndë. Njëri është intubuar dhe iu nënshtrua një masazhi 6-minutësh në zemër në dhomën e urgjencës të spitalit Regina Margherita në Torino.
Aksidenti ka të ngjarë të jetë shkaktuar nga shkëputja e një litari në pjesën më të lartë të rrugës që përshkonte teleferiku që duke filluar nga Liqeni Maggiore, arrin një lartësi prej 1,491 metrash. Kabina ra njëqind metra pa mbërritur në shtyllën e fundit, në një udhëtim që zgjat rreth njëzet minuta. Ëalter Milan, i Shpëtimit Alpin, i tha Raineës24: “Teleferiku ra nga një pikë relativisht e lartë dhe u përplas në tokë përpara një peme të madhe. Ai është dukshëm i shkatërruar”./Opinion.al
