Italia ka regjistruar sot rritje të rasteve pozitive me COVID-19, por edhe të viktimave. Autoritetet shëndetësore bëjnë me dije se gjatë 24 orëve të fundit në Itali janë shënuar 11,212 raste të reja pozitive dhe 659 viktima nga COVID-19. Ndërkohë që dje janë regjistruar 8.585 raste pozitive dhe 445 viktima.
Këto shifra janë shënuar në kohën kur qeveria italiane në kuadër të festave të fundvitit ka ndërmarrë masa të reja anti-COVID duke vendosur vendin në karantinë me qëllim shmangien e një vale të tretë të pandemisë.
Numri total i të infektuarve ka shkuar 2,067,487, ndërkohë që numri i viktimave është 73,029, në të gjithë vendin që nga fillimi i pandemisë./Opinion.al
