Një mjeke nga spitali Umberto I në Siracusa e cila ishte vaksinuar gjashtë ditë më parë në Palermo doli pozitive për Covid 19. Sipas asaj që u konfirmua nga autoriteti krahinor shëndetësor, ajo ishte një nga të parat që iu nënshtrua vaksinës dhe dje u shtrua në spital.
Presidenti i Këshillit Superior të Shëndetit, Franco Locatelli, shpjegoi se mbrojtja imune nga infeksioni i virusit SarsCoV-2 është e plotë vetëm pas marrjes të dozës së dytë të vaksinës anti Covid-19.
“Në artikujt shkencorë – vëren ai – është raportuar qartë se edhe në studimet klinike njerëzit janë infektuar pas dozës së pare, pikërisht sepse përgjigja imune nuk është ende plotësisht mbrojtëse. Dhe bëhet e tillë vetëm pas dozës së dytë. Kjo është një nga arsyet për të mos braktisur sjelljen e përgjegjshme pasi të jeni vaksinuar”. Kujtojmë që ky nuk është rasti i parë në botë, kur një person i vaksinuar infektohet me Covid./Opinion.al
