Kryeministri i Italisë Xhuzepe Konte ka njoftuar sot masa të reja kufizuese në një konferencë për shtyp duke paralajmëruar se shkalla e përshkallëzimit të pandemisë tashmë po kishte një ndikim shqetësues në spitalet e vendit.
Qeveria italiane ka urdhëruar mbylljen e palestrave dhe pishinave dhe ndërsa baret dhe restorantet mund të ofrojnë shërbime me porosi ata duhet të ndalojnë konsumimin e pijeve dhe ushqimeve në ambientet e brendshme nga ora 18:00. Kinematë dhe teatrot gjithashtu do të mbyllen, por muzetë do të qëndrojnë të hapura.
Nuk do të ketë ndalim të udhëtimit ndër-rajonal, megjithëse njerëzit janë këshilluar fuqimisht të mos largohen nga shtëpitë e tyre përveç nëse për qëllime pune, shëndetësore ose arsimore. Deri në 75% të mësimdhënies së shkollës së mesme duhet të bëhet në internet për të kufizuar numrin e nxënësve në shkolla, sipas dekretit të ri.
“Të dhënat e fundit epidemiologjike nuk mund të na lënë indiferentë,” tha Konte. “Analiza tregon një rritje të shpejtë, me presionin në rrije për sistemin shëndetësor kombëtar.”
Numri i infeksioneve ditore të Italisë është 5-fishuar që nga 8 Tetori, duke u rritur me 19,644 të shtunën.
Në 24 orët e fundit u regjistruan edhe 151 viktima të tjera, duke e çuar numrin e përgjithshëm të në 37,210, më i larti në Evropën kontinentale.
Konte tha se masat e reja kishin për qëllim të shmangnin llojin e bllokimit të ashpër që vendi përjetoi në pranverë. “Ne duhet të bëjmë sa më shumë të jetë e mundur për të mbrojtur shëndetin dhe ekonominë … ne e dimë se kjo po gjeneron zemërim dhe pabarazi”, tha ai./ Opinion.al
