Dy shqiptarë janë arrestuar nga policia italiane e Tolentino-s, nën akuzën e posedimit të lëndëve narkotike me qëllim trafikimin.
Ata u kapën me 10 kg marijuanë. Shqiptarët e arrestuar, të cilit ishin në vëzhgim prej kohësh, janë të moshës 26 dhe 36-vjeç, por identiteti i tyre nuk bëhet i ditur.
Ata ishin duke udhëtuar me një “Fiat Croma” në Berta (San Severino Marche), kur janë ndaluar nga efektivët, të cilët kishin dijeni se në makinë kishte drogë.
Në automjet, u gjetën 10 kg drogë e ndarë në disa pjesë. Ata u dërguan në burgun e Camerino-s në pritje të seancës për masën e sigurisë.
