Një burrë ka humbur jetën në Caserta të Italisë pasi është rrëzuar nga kati i pestë i një pallati.
Sipas mediave italiane, dyshohet se ai ishte një hajdut që synonte të arratisej pasi kishte hyrë në një apartament për të vjedhur.
Kjo është hipoteza mbi të cilën po punon policia, pas një aksidenti ku humbi jetën 35-vjeçari, duke rënë nga ballkoni I katit të pestë të një pallati.
Aksidenti ndodhi mëngjesin e sotëm brenda parkut “Le Fontane”, pranë Passo Natta, në Campania. Pasi 35-vjeçari ende i paidentifikuar ka rënë nga kati i pestë, kanë qenë vetë banorët që kanë njoftuar urgjencën si dhe policinë.
Sipas autoriteteve rezultoi se hajduti ishte me një bashkëpunëtor i cili megjithatë arriti të arratisej. Nga raportimet mësohet se të dy duket se kanë qenë brenda një apartamenti kur janë zbuluar dhe kanë tentuar të arratisen nga ballkoni.
Më pas, njëri nga ata dyshohet të ketë humbur ekuilibrin dhe si pasojë ka rënë nga ballkoni. Ndërhyrja e punonjësve shëndetësorë ka qenë e kotë dhe kanë mundur vetëm të konfirmojnë vdekjen e ‘hajdutit.
Ndërkohë policia po heton përfshirjen e një bashkëpunëtori të tretë, i vendosur në një makinë jashtë parkut, I cili dyshohët se ka qenë në pritje të dy persona të tjerë./Opinion.al
