Policia e shtetit Italian ka zbuluar këtë të martë një sasi droge të paligjshme, ambalazhet e së cilës ishin të zbukuruara me fytyrat e bosëve të frikshëm të mafies siçiliane.
Hashash, marihuanë dhe kokainë me vlerë rreth 200,000 euro janë gjetur në një magazinë në Marsala, në Siçilinë perëndimore.
Sipas autoriteteve italiane janë gjetur pako me drogë të mbështjella me celofan dhe me fotografi të Matteo Messina Denaro, Toto Riina dhe personazhit imagjinar të filmit “Kumbari”.
Këto të fundit që njihen si personazhet më të njohur të krimit në Itali, janë dënuar me burgime të përjetshme për vrasje makabre.
Messina Denaro ishte i arratisuri i profilit më të lartë të mafias siciliane deri në arrestimin e tij në janar, ndërsa Riina ishte “bosi i bosëve” i mafias siciliane, i cili vdiq në burg në vitin 2017.
Kontrolli i policisë u zhvillua në provincën siciliane të Trapanit, ku Messina Denaro besohet të ketë kaluar pjesën më të madhe të kohës në arrati.
.
