Sulmi nga dy qen pitbull i ka marrë jetën një fëmije vetëm 15 muajsh në Salerno të Italisë. Kafshimet ishin aq të forta sa i kushtuan jetën vogëlushit, ndërsa nëna e tij ka mbetur e plagosur.
Qentë janë në pronësi të një miku të nënës së fëmijës. Kjo e fundit ka tentuar të ndërhyjë, por është sulmuar edhe vetë, duke marrë plagë, por nuk është në rrezik për jetën.
Djali 15 muajsh është sulmuar në kopshtin e shtëpisë së tij dhe në trup i janë gjetur plagë të thella të shkaktuar nga kafshimi i qenve.
Sipas Corriere Salerno, qentë mund ta kenë ngatërruar fëmijën me një kukull, si një objekt me të cilin ndonjëherë i bënin të luanin, ose mund ta kenë konsideruar atë një element “të huaj” duke e sulmuar./Opinion.al
