Një shqiptar 29 vjeçar është qëlluar me armë në Napoli dhe për pasojë ndodhet në gjendje të rëndë shëndetësore.
Renato Alija, 29 vjeç u dërgua në urgjencën e spitalit të Napolit nga dy persona me kapuçë, që udhëtonin me një makinë tip “BMW” të zezë.
Nuk dihet ende se ku u plagos shqiptari, pasi ende nuk është raportuar nga policia ndonjë ngjarje.
Policia beson se bëhet fjalë për një grabitje të shkuar keq, ku ai mund të jetë plagosur.
Mendohet se kanë qënë shokët e tij, ata që e kanë sjellë në spital, në orën 04:30 të mëngjesit të ditës së djeshme.
