Një ngjarje e rëndë ka ndodhur mbrëmjen e sotme në Itali. Një autobus me pasagjerë ka rënë nga mbikalimi në Mestre të Venecias dhe ka përfunduar mbi binarin hekurudhor.
Autobusi ka rënë mbi telat elektrik dhe për pasojë ka marrë flakë. Kryebashkiaku Brugnaro thotë se ka të paktën 20 të vdekur dhe 40 të plagosur.
Për momentin nuk dihen rrethanat e aksidentit,. Zjarrfikësit dhe shumë ambulanca janë në vendngjarje. Linja hekurudhore mes Mestres dhe Venecias u pezullua për shkak të aksidentit.
Autoriteti Shëndetësor Vendor 3 i Venecias ka aktivizuar protokollin e “urgjencave të mëdha”, i cili përfshin vënien në dispozicion të të gjitha dhomave të urgjencës spitalore dhe thirrjen e personelit përforcues në punë.
