Ishin në një makinë të parkuar në zonën e Bicocca në Milano, ndoshta për të pritur klientët e mundshëm të drogës. Karabinierët e patrullës në rrugën Piero dhe Alberto Pirreli, kanë dyshuar dhe kanë vendosur ti kontrollojnë.
Gjithçka ka ndodhur gjatë natës së 24 shkurtit.
Dy personat kishin fshehur kavanoza me marijuanë poshtë sediljes së makinës dhe në brendësi të bagazhit.
Po kështu karabinierët kanë gjetur në makinë edhe një peshore, thikë dhe një pistoletë.
Turku i ulur në sediljen e drejtuesit të mjetit është një person me precedentë të rregullt droge në Itali. Me të ishte edhe një shqiptar i padënuar më parë.
