Një 55-vjeçar shqiptar, me banim në Stradella të Pavias në Itali, është mbytur pasditen e 25 gushtit, teksa po lahej në ujërat e lumit Po në afërsi të urës Becca.
Sipas mediave italiane, e gjithë drama u zhvillua përpara syve të bashkëshortes së tij, e cila pasi pa se nuk po dilte nga lumi, lajmëroi autoritetet italiane.
Menjëherë në vendngjarje kanë shkuar karabinierët dhe zjarrëfikësit.
Pas disa orëve kërkim, trupi i pajetë i shqiptarit u gjet rreth 200 metra larg vendit ku kishte hyrë për t’u larë.
Ndërkohë, mediat vendase shkruajnë se larja në këtë zonë të lumit PO është e rrezikshme për shkak të rrymave të forta./Opinion.al
