Autoritetet shëndetësore italiane bëjnë me dije se gjatë 24 orë të fundit janë regjistruar 4,598 raste të reja me koronavirus nga 468,104 teste të kryera.
Ministria e Shëndetësisë në vend njoftoi se numri i rasteve fatale për sot ishte 50 duke bërë që totali që nga fillimi i pandemisë të shkojë në 131,954. Kurse, numri i të shëruarve është 4,226.
Sipas raportimeve numri i pacientëve që janë të shtruar në njësitë e kujdesit intensiv është 341.
Ndërse, të shtruarit me simptoma në pavijonet e tjera Covid-19 janë 2,615, 11 më shumë se dje. Rastet aktive në vend janë 75,365, 319 më shumë se në 24 orët e kaluara./ Opinion.al
