Një 38-vjeçar shqiptar ka humbur jetën në një aksident rrugor, që ka ndodhur në autostradën në afërsi të Modenas në Itali.
Sipas mediave italiane, viktima është identifikuar si Saimir Gjoka, 38 vjeç.
Mësohet se aksidenti fatal ndodhi rreth orës 22:00 të mbrëmjes së djeshme në rrethana ende të paqarta. Në aksident u përfshinë 2 makina, ku si pasojë 38-vjeçari shqiptar ka gjetur vdekjen e menjëhershme, i cili është nxjerrë nga automjeti në të cilin ishte bllokuar nga zjarrfikësit.
I plagosur mbeti edhe një 55-vjeçar i cili udhëtonte në makinën tjetër.
Policia rrugore, e cila ka ndërhyrë për të hetuar, ka gjetur në makinën e viktimës një çantë plot me para dhe disa mallra të dyshimta mes tyre një çantë të mbushur me para dhe një substancë të dyshimtë.
Ndërkohë autoritetet raportojnë se po ashtu në makinë me Gjokën ndodhej edhe një pasagjer që dyshohet se u arratis në fushat pranë pas përplasjes.
Policia italiane ka nisur hetimet zbardhjen e rrethanave të aksidentit dhe janë vënë në kërkim të personit në fjalë./Opinion.al
