Një 38-vjeçar shqiptar ka gjetur vdekjen pas një aksidenti në Itali. 38-vjeçari identiteti i të cilit ende nuk është bërë ditur ishte duke i dhënë biçikletës mëngjesin e kësaj të marte në vendin ku lidhet Giovinazzo me Molfettën, kur u përplas nga një mjet i drejtuar nga një grua.
Ngjarja e rëndë ka ndodhur rreth orës 06:00 të mëngjesit, ku gruaja e cila drejtonte një makinë të tipit Mini Cooper ka përplasur 38-vejçarin shqiptar, i cili sipas mediave italiane ishte babai i 3 fëmijëve.
Gruaja ka ndaluar menjëherë pas përplasjes dhe ka telefonuar ambulancën. Fatkeqësisht 38-vjaçeri kishte ndërruar jetë që në çastet e para të përplasjes. Policia është duke vijuar hetimet për zbardhjen e mëtejshme të këtij aksidenti./Opinion.al/
