Një ngjarje e rëndë ka ndodhur në Livorno, në Itali, ku një 36-vjeçar shqiptar ka humbur jetën në një aksident tragjik.
Mediat italiane shkruajnë se 36-vjeçari kishte dalë për të kaluar mbrëmjen me miqtë e tij në Terrazza Mascagni, por teksa kalonte rrugën, një makinë Porsche e përplasi duke e hedhur disa metra tutje në asfalt.
Viktima është identifikuar si Gazment Bushi, me profesion murator. Ai po kalonte rrugën bashkë me një mik për të blerë një shishe ujë, kur u përplas nga makina, që vinte me shpejtësi ne vijat e bardha.
Në timon ndodhej një 33-vjeçar italian, i cili ndaloi për t’i ardhur në ndihmë. Para vijave të bardha kishte semafor, por që në atë orë qëndron me dritë portokalli.
Shoferi, rezultoi pozitiv për testin e alkoolit, të kryer përmes testeve të gjakut.
Mediat fqinje shkruajnë se aksidenti i rëndë është filmuar nga një kamera sigurie në rrugë dhe është sekuestruar nga autoritetet policore.
I riu, i treti nga 5 vëllezërit, jetonte prej më shumë se 20 vjetësh në Itali dhe ishte babai i dy fëmijëve, i një djali 8 vjeç dhe i një vajze 1 muajshe./Opinion.al
