Është rritur numri i viktimave dhe i rasteve të reja me COVID-19 në Itali. Autoritetet shëndetësore në Itali bëjnë me dije se gjatë 24 orëve të fundit kanë humbur jetën 259 qytetarë nga COVID-19.
Po ashtu, këtë të martë në Itali është regjistruar dhe numri rekordi i rasteve të reja prej 170,844.
Që nga shpërthimi i pandemisë në shkurt të vitit 2020, Italia ka regjistruar 138,045 vdekje nga koronavisuri dhe deri më sot ka raportuar 6.57 milionë raste me COVID-19.
Në spitalet COVID në Itali të martën ishin të shtruar rreth 12,912 pacientë me COVID-19, pa përfshirë pacientët në kujdesin intensiv.
Në Itali, pothuajse 80 për qind e popullatës janë vaksinuar me dy doza të vaksinës dhe rreth 30 për qind kanë marrë dozën përforcuese të vaksinës kundër koronavirusit.
Qeveria italiane në fund të vitit 2021, ka vendosur kufizime edhe për udhëtarët, përfshirë edhe ata brenda Bashkimit Evropian. Të gjithë qytetarët duhet t’i nënshtrohen testit për koronavirus përpara se të udhëtojnë./ Opinion.al
