Një ngjarje e rëndë ka ndodhur mëngjesin e sotëm në Milano, ku si pasojë e një aksidenti në punë ka humbur jetën një 24-vjeçar shqiptar.
Sipas mediave italiane, bëhet fjalë për Endrit Ademi me origjinë nga Kosova i cili prej 6 vitesh jetonte në Itali.
24-vjeçari humbi jetën mëngjesin e sotëm, pasi u rrëzua nga kati i tretë i një banese në via Bassini, në zonën e Città Studi, teksa po punonte për një projekt të fasadës.
I riu jetonte në Rovato, në provincën e Breshias, pranë selisë së kompanisë për të cilën punonte me kontratë të rregullt të përhershme, Morina Srls.
“Ishte një djalë i mirë, një mik i imi”, tha një bashkëfshatar i Endritit, pas tragjedisë që i ndodhi para syve. Në fakt ka qenë ai së bashku me një grup punëtorësh kosovarë që kanë telefonuar mëngjesin e sotëm familjen e 24-vjeçarit, për t’i njoftuar për aksidentin fatal./Opinion.al
