Është rritur ndjeshëm numri i personave të infektuar dhe i viktimave nga COVID-19 në Itali. Autoritetet shëndetësore bëjnë me dije se në 24 orët e fundit u regjistruan 126,888 të infektuar nga më shumë se 1.1 milionë teste.
Numri i viktimave gjatë këtij harku kohor është 156, krahasuar me 148 që u regjistruan një ditë më parë. Shkalla e pozitivitetit ishte 11% nga 9.5% që ishte një ditë më parë.
Kurse të shëruarit për sot ishin 22,246. Sa i përket situatës në spitale, në njësitë e kujdesit intensiv janë duke marrë kujdes shëndetësor 1,226 pacientë ndërsa në pavijonet e tjera Covid-19 janë 10,866 pacientë, 288 më shumë se një ditë më parë.
