Italianët që përdorin gjuhën angleze dhe fjalë të tjera të huaja në komunikimet zyrtare mund të përballen me gjoba deri në 100,000 euro sipas legjislacionit të ri të prezantuar nga partia Vëllezërit e Italisë e kryeministres, Giorgia Meloni.
Fabio Rampelli, anëtar i dhomës së ulët të deputetëve, prezantoi legjislacionin, i cili mbështetet nga kryeministrja Meloni.
Ndërsa legjislacioni përfshin të gjitha gjuhët e huaja, ai është veçanërisht i orientuar tek e ashtuquajtura “Anglomania” ose përdorimi i fjalëve angleze, për të cilat drafti thotë se “e poshtëron dhe turpëron ” gjuhën italiane, duke shtuar se Mbretëria e Bashkuar nuk është më pjesë e BE.
Projektligji, i cili ende nuk ka dalë për debat parlamentar, kërkon që kushdo që mban një detyrë në administratën publike të ketë “njohuri me shkrim dhe gojë dhe zotërim të gjuhës italiane”. Ai gjithashtu ndalon përdorimin e gjuhës angleze në dokumentacionin zyrtar, duke përfshirë “akronimet dhe emrat” dhe rolet e punës në kompanitë që operojnë në vend.
Subjektet e huaja do të duhet të kenë botime në gjuhën italiane të të gjitha rregulloreve të brendshme dhe kontratave të punës, sipas një drafti të legjislacionit të parë të siguruar nga CNN. “Nuk është vetëm një çështje e modës, pasi moda kalon, por Anglomania ka pasoja për shoqërinë në tërësi”, thuhet në projektligj.
Neni i parë i legjislacionit garanton që edhe në zyrat që merren me të huajt që nuk flasin italisht, gjuha kryesore e përdorur duhet të jetë italishtja./Opinion.al
