Gazetari Isli Islami ka bërë publike një pjesë të vështirë të fëmijërisë së tij, ndërsa në programin DËTS ku është pjesëmarrës ka treguar për dhunën që i ati ushtronte ndaj nënës së tij. Në rrëfimin e tij, Isli ka pohuar se divorci i prindërve ishte një nga gjërat më të mira që ka ndodhur.
“Vij nga një familje me prindër të divorcuar, gjatë gjithë fëmijërisë sime kam qenë dëshmitar i një dhune që ka qenë e vazhdueshme, fizike, psikologjike, abuzim me të gjitha format. Divorci i tyre ishte një nga gjërat më të mira që ka ndodhur. Mamaja ime, jam shumë i lidhur me të, ka qenë heroina e kësaj situate. E kam parë se si ka shtrënguar dhëmbët përpara dhimbjes, poshtërimit, sikleteve, mërzitjes, e kam parë që për shkak të dashurisë që ka pasur për ne gjithmonë ka gjetur rrugën se si të ngrejë kokën. E vlerësoj shumë dhe e admiroj për këtë. Kam marrë me kalimin e viteve shumë cilësi që ajo ka dhe shpresoj që t’i kem dhe unë. Kur të jem prind një ditë edhe fëmijët e mi të shohin këtë gjë tek unë, përpos vështirësive të dalim ballë lart dhe të themi: Ok, kemi kaluar gjëra të këqija, por ja ku jemi të fortë. Falini njerëzit që ju kanë bërë gjëra të këqija, që ju anë shkaktuar dhimbje sepse mendoj se nuk ka gjë më të bukur se të falësh”, tha Isli./Opinion.al
