ISIS ka marrë kontrollin e kampit Al-Hol ku ndodhet edhe 11-vjeçari shqiptar Alvin Berisha.
Sipas britanikes The Sun dhe The Times, anëtaret femra të policisë “së moralit” al-Hisbah kanë lëshuar një valë sulmesh terrori në kamp. Ato kanë urdhëruar sulme ndaj rojeve, kanë djegur tendat, përçudnuar trupat e viktimave dhe kanë djegur me benzinë disa femra duke instaluar kështu pushtetin e xhihadit në kamp.
Numri i xhihadistëve që kanë shpëtuar nga kampi është rritur shumë dhe ata që janë kapur kanë pranuar se dëshirojnë të bashkohen me militantët islamikë të mbështetur nga Turqia.
Aylul Rizgar, 30 vjeç, është administratorja e lartë i kampit dhe është kërcënuar vazhdimisht me prerje koke. Ajo i tha The Times: “Nuk mbaj më mend se sa here më kanë thënë që kur të kthehet Shteti Islamik, ata do të ma presin kokën”. Raportohet gjithashtu se ajo është sulmuar nga një nënë dhe dy vajzat e saj që e kafshuan dhe e lyen me benzinë.
E ardhmja e kampit Al Hol është e pa qartë pasi Rusia dhe Turqia ranë dakord të martën për largimin e luftëtarëve kurdë nga “zona e sigurt” prej 20 miljesh e vendosur nga Presidenti turk Rexhep Tajip Erdogan.
Ndëkaq 11-vjeçari Alvin Berisha për të cilin u bën përpjekje për tu tërhequr nga kampi nga emisioni “Le Iene” është ende brenda tij por me pëshkallëzimin e situatës është akoma më e vështirë për të marrë informacione lidhur me gjendjen e tij. /Opinion.al
