Trupi i pa jetë i një personi është gjetur sot i mbuluar me dhe në Klos.
Viktima është rreth Agim Meta, 45 vjeç dhe sipas informacioneve bëhet me dije se ai ishte shpallur në kërkim pasi ishte zhdukur para 4 ditësh. Bëhet e ditur se ai ishte punëtor në Rrugën e Arbrit.
Rreth orës 22:30 minuta të së martës ai ishte nisur për në banesë e cila ndodhej rreth 500 metra larg dyqanit të fshatit. Banorë të zonës thanë se ai mbante me vete edhe një bombol me gas të cilën do ta çonte në banesë. Familjarët kanë nisur kërkimet që atë mbrëmje, por pa arritur ta gjejnë.
Vendi ku u gjet trupi është në Kryeshkallë Xibër në Bashkinë e Klosit ndërkohë që ende nuk dihen rrethanat në të cilat ka ndodhur ngjarja.
Prokuroria e Matit dhe grupi hetimor janë në vendin e ngjarjes dhe kanë nisur hetimet. /Opinion.al
