Një 47-vjeçar shqiptar është arrestuar nga policia në Valpolcevera të Italisë pasi tentoi të vriste gruan e tij me të cilën ishte në proces divorci. Mësohet se shqiptari ka tentuar të mbys gruan me një tel elektrik.
Për fat të mirë, pak para se të ndodhte tragjedia, gruaja arriti ta qetësonte 47-vjeçarin duke e bindur atë që ta dërgonte në spital me ambulancë, pasi do deklaronte se ishte sulmuar nga një i huaj.
Agresori, sipas mediave italiane, ndërmori këtë veprim pasi ishte xheloz pas gruas së tij. Duke arritur në Villa Scassi, pavarësisht nga prania e burrit, gruaja arriti t’i bënte mjekët të kuptonin se ai ishte agresori. Ata thirrën policinë dhe burri u arrestua për vrasje në tentativë./ Opinion.al
