Është arrestuar nga policia Xhelal Rraja, vëllai i ish-deputetit të PS-së Rrahman Rraja.
Xhelal Rraja u arrestua pasi ishte shpallur në kërkim në kuadër të operacionit “Revanshi”.
Ndaj vëllait të ish-deputetit socialist rëndojnë akuzat për pjesëmarrje në grup të strukturuar kriminal dhe për sigurim të kushteve për të kryer vrasje.
“Pas një pune të mirëfilltë hetimore, është bërë e mundur kapja e shtetasit në kërkim Xhelal Rraja. Ai ishte shpallur në kërkim, pasi gjykata i kishte caktuar masën e sigurisë “Arrest në burg”, në vijim të operacionit “Revanshi”, për pjesëmarrje në grup të strukturuar kriminal dhe për sigurim të kushteve për të kryer vrasje”, tha policia në një njoftim të shkurtër për mediat.
