Ka ndërruar jetë sot në spitalin e Senatoriumit një 36-vjeçare e prekur nga virusi AH1N1. Ajo po mbahej prej disa ditësh e shtruar në spital, për shkak edhe të komplikacioneve që kishte pasur pas lindjes së binjakëve.
Mësohet se gruaja bëri lindje të parakohshme, ndërsa fatkeqësisht ka ndërruar jetë edhe njëri prej binjakëve. Gjithsesi, mbetet për t’u kryer ekspertiza finale për të përcaktuar nëse vdekja ka ardhur si pasojë e virusit apo komplikacioneve të tjera për shkak të lindjes së parakohshme.
Virusi AH1N1 është një sëmundje akute e rrugëve të frymëmarrjes, i shkaktuar nga viruse gripale të tipit A, që origjinën e kanë nga derrat./Opinion.al
