Një 43-vjeçar, i identifikuar se Ergys Likaj është arrestuar nga Policia e Shtetit për llogari të autoriteteve italiane.
Policia informon se personi u vu në pranga në kuadër të operacionit te koduar “Operacionalja 27”.
Për këtë person në vitin 2016, Gjykata e Romes ne Itali ka caktuar për këtë shtetas masën e sigurisë “Arrest me burg”, për veprat penale “Organizatë kriminale” dhe “Trafikimi i narkotikëve”, parashikuar nga Kodi Penal i Italisë.
Interpol Tirana po bashkëpunon me Interpol Romën për të finalizuar procedurën e ekstradimit të këtij shtetasi në Itali.
“Lokalizohet, kapet dhe arrestohet provizorisht, me qëllim ekstradimi drejt Italisë, Ergys Likaj, 43-vjeç i shpallur në kërkim ndërkombëtar.
Si rezultat i shkëmbimit të informacioneve dhe i koordinimit të punës me homologët italianë, shërbimet e Drejtorisë së Forcës së Posaçme Operacionale (Fast Albania), në kuadër të operacionit “Operacionalja 27”, lokalizuan në Pogradec dhe arrestuan provizorisht shtetasin e shpallur në kërkim ndërkombëtar, E.L., 43 vjeç, banues në Durrës.
Gjykata e Romës/Itali, në vitin 2016, ka caktuar për këtë shtetas masën e sigurisë “Arrest me burg”, për veprat penale “Organizatë kriminale” dhe “Trafikimi i narkotikëve”, parashikuar nga Kodi Penal i Italisë.
Interpol Tirana po bashkëpunon me Interpol Romën për të finalizuar procedurën e ekstradimit të këtij shtetasi në Itali”,-thuhet në njoftimin e Policisë.
