Policia ka arrestuar ditën e sotme Bardhok Planajn, pasi akuzohet për “Largimit i të burgosurit nga vendi i qëndrimit”. Planaj rezulton se është person me precedent të theksuar kriminal.
Sipas autoriteteve, Planaj është arrestuar në Lushnjë mesditën e sotme, nga Policia e Shkodrës në bashkëpunim me Policinë e Lushnjës pas informacionit të marra se Planaj kishte thyer masën e sigurisë “Arrest në shtëpi” dhe kishte udhëtuar në drejtim të Lushnjës.
“Më datë 03.12.2018 nga Prokuroria pranë Gjykatës së Shkallës së Parë Shkodër është lëshuar urdhër-ekzekutimi në bazë të vendimit penal nr.1168, datë 29.11.2018, në të cilin është vendosur masa e sigurisë “Arrest në burg” për shtetasin Bardhok Planaj për veprat penale “Pastrim i produkteve të veprës penale”, “Falsifikimi i vulave dhe stampave” dhe “Ndërtim i paligjshëm”. Është bërë sekuestro preventive e një pallati 10 katesh me vlerën 2 milion euro”, sqaron Policia.
Planaj u arrestua pas kontrollit të ushtruar në banesën e tij nga Seksioni për Hetimin e Krimit Ekonomik-Financiar, në bashkëpunim me Forcat e Ndërhyrjes së Shpejtë Shkodër. Gjatë këtij kontrolli, rezultoi se Planaj nuk ishte në banesë, duke thyer kështu masën e sigurisë “Arrest shtëpie”./ Opinion.al
