Kapiteni i Portugalisë, Cristiano Ronaldo nuk mundi të merrte pjesë në funeralin e Diogo Jota këtë të shtunë, në mëngjes.
Jota u varros së bashku me vëllain e tij Andre Silva në një kishë në Gondomar, pranë Portos, në Portugali, pasi dy të rinjtë humbën jetën në një aksident me makinë në Spanjë.
Shokët e ekipit të Jota te Liverpooli dhe ata nga ekipi kombëtar i Portugalisë, si dhe ish-shokët e tij të ekipit te Wolves, ishin ndër ata që udhëtuan për në Portugali për të shprehur ngushëllimet e tyre.
Virgil van Dijk dhe Andy Robertson u panë duke mbajtur lule të kuqe në kishë, ndërsa yjet e Portugalisë Bruno Fernandes, Bernardo Silva dhe Ruben Neves ishin gjithashtu të pranishëm për t’i dhënë lamtumirën e fundit.
Neves, i cili luajti me Jota për Wolves dhe Portugalinë, ishte ndër ata që ndihmuan në transportimin e arkivolit në kishë, pas ardhjes nga Shtetet e Bashkuara pasi luajti në Kupën e Botës për Klube për Al-Hilal.
Por Ronaldo, i cili është kapiten i Portugalisë, nuk ishte midis të pranishmëve që morën pjesë në funeral, i cili u drejtua nga prifti Jose Manuel Macedo në kishën katolike Igreja Matriz de Gondomar.
Arsyeja ende nuk dihet, ndërsa në mediat ndërkombëtare aludohet se Ronaldo është parë me pushime në Mallorca. Ra në sy gjithashtu edhe mungesa e Mohamed Salah, shok skuadre te Liverpool.
Mungesa e Ronaldos është vënë re gjerësisht në mediat portugeze, por jo vetëm./Opinion.al
