Një 40-vjeçar është rrëzuar ndërsa ka qenë duke punuar në stadiumin “Air Albania” në Tiranë. Lajmi bëhet i ditur nga policia që njofton se ngjarja ka ndodhur rreth orës 17:50, ndërsa mësohet se shtetasi me inicialet H. M., është rrëzuar aksidentalisht nga një lartësi e vogël. Ai është dërguar në spital ku ndodhet jashtë rrezikut për jetën.
Njoftimi i policisë:
Tiranë/Informacion paraprak
Me datë 18.12.2021, rreth orës 17:50, te stadiumi “Air Albania”, dyshohet se aksidentalisht ka rënë nga një lartësi e vogël, shtetasi H. M., 40 vjeç, i cili ishte duke punuar.
Si pasojë ky shtetas është dëmtuar dhe ndodhet në spital nën kujdesin e mjekëve, jashtë rrezikut për jetën.
